დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორმა ბესარიონ სიმონიშვილმა მეორე მსოფლიო ომის ვეტერანს, აფხაზეთიდან დევნილ ხუტა შარანგიას ფაშიზმზე გამარჯვების დღე მიულოცა. ამის შესახებ „ინტერპრესნიუსს” სააგენტოდან აცნობეს.

მათი ცნობით, ბესარიონ სიმონიშვილმა 95 წლის ხუტა შარანგიას ქვეყნის წინაშე განსაკუთრებული დამსახურებისთვის მადლობა გადაუხადა და მეორე მსოფლიო ომის დასრულების 75 წლისთავთან დაკავშირებით ამანათი გადასცა.

მათივე ინფორმაციით, გაეროს ლტოლვილთა უმაღლესი კომისარიატის (UNHСR) საქართველოს წარმომადგენლობის ფინანსური მხარდაჭერით, სპეციალურ ამანათს მეორე მსოფლიო ომის მონაწილე ყველა დევნილი მიიღებს.

იხილეთ ვიდეო:დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი მეორე მსოფლიო ომის ვეტერანს ესტუმრა