მცხეთა-მთიანეთის სახელმწიფო რწმუნებული, მცხეთის მაჟორიტარ დეპუტატთან და ადგილობრივი თვითმმართველობის ხელმძღვანელ პირებთან ერთად, რეგიონში მცხოვრებ ომის ვეტერანებსა და მათთან გათანაბრებულ პირებს ესტუმრა და ფაშიზმზე გამარჯვების 75 წლის იუბილე მიულოცა. ამის შესახებ „ინტერპრესნიუსს“ დუშეთის მუნიციპალიტეტიდან აცნობეს. მათივე ინფორმაციით, შალვა კერესელიძემ ხანდაზმულებს სასურსათო პაკეტებიც გადასცა.
დუშეთის მუნიციპალიტეტის მიერ გავრცელებული ინფორმაციი თანახმად, ვეტერანებმა და მათთან გათანაბრებულმა პირებმა ადგილობრივი მუნიციპალიტეტებისა და სახელმწიფო ბიუჯეტებიდან ფულადი ჯილდოც მიიღეს.
"პირველ რიგში, გილოცავთ დღევანდელ დღეს. თქვენი და თქვენი თანამებრძოლების ძალისხმევით 9 მაისი მსოფლიო ისტორიაში ერთ-ერთი უდიდესი გამარჯვების დღედ იქცა. მადლობას გიხდით გამოჩენილი სიმტკიცისთვის, სიმამაცისა და თავდადებისთვის. გისურვებთ სიკეთეს, ჯანმრთელობასა და დღეგრძელობას“ , - აღნიშნა მცხეთა-მთიანეთის სახელმწიფო რწმუნებულმა შალვა კერესელიძემ.
ხელისუფლების წარმომადგენლებმა მეორე მსოფლიო ომში დაღუპულთა ხსოვნის პატივსაცემად, გმირთა მემორიალები ყვავილებით შეამკეს.