აჭარაში, ბათუმი-ქედის დამაკავშირებელ ცენტრალურ საავტომობილო გზაზე მეწყერი გვიან ღამით ჩამოწვა. შემთხვევის შედეგად არავინ დაშავებულა.

ქედის მერიის ინფორმაციით, მიწის მასამ საავტომობილო გზა სრულად ჩაკეტა და შესაბამისად მოძრაობა პარალიზებულია.

უწყების ცნობით, მძიმე ტექნიკა ადგილზეა მობილიზებული და გზის გაწმენდით სამუშაოებს ახორციელებს.

ჯერჯერობით უცნობია, რამდენ ხანში აღდგება საავტომობილო მიმოსვლა.