ჩინეთში გასული დღე-ღამის განმავლობაში კორონავირუსის 17 შემთხვევა გამოვლინდა, რაც 28 აპრილის შემდეგ ყველაზე მაღალი მაჩვენებელია, - ამის შესახებ ინფორმაციას „როიტერსი“ ავრცელებს.
სააგენტოს ცნობით, ახალი შემთხვევებიდან 7 იმპორტირებულია, დანარჩენი კი- შიდა გადაცემის შემთხვევებია.
ადგილობრივი შემთხვევებიდან ხუთი ეპიდემიის თავდაპირველ ეპიცენტრში, ჰუბეის პროვინციაში დაფიქსირდა, რაც ყველაზე მაღალი მაჩვენებელია 11 მარტის შემდეგ.
ვირუსის გავრცელების ახალი კლასტერი გამოვლინდა ქვეყნის ჩრდილოეთ-აღმოსავლეთ ნაწილში მდებარე ჯილინის პროვინციის ერთ-ერთ ქალაქში, სადაც ბოლო 24 საათის განმავლობაში 3 ლოკალური შემთხვევა დადასტურდა.
შეგახსენებთ, ბოლო მონაცემებით, ჩინეთში კორონავირუსის 82 918 შემთხვევა დადასტურდა, დაღუპულია 4 633 ადამიანი.