ზოგს მთა მოსწონს და ზოგს ზღვა მოსწონს, დავგეგმოთ გემოვნების მიხედვით ,- ასე პასუხობს დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე კითხვას, თუ სად ურჩევს დასვენებას ბავშვიან ოჯახებს.

პაატა იმნაძე მიიჩნევს, რომ კარგი იქნება, თუ მოქალაქეები ქვეყნის ტურისტულ პოტენციალს გამოიყენებენ.

„გასაგებია, რომ, რაც არ უნდა უცხოელი სტუმრებისთვის კარიბჭეები გავხსნათ, მაინც იმდენი არ იქნება, უცხოელი ტურისტი. ამდენად, პირიქით, მისასალმებელი იქნება, თუ წელს ყველანი გამოვიყენებთ ჩვენი ქვეყნის ტურისტულ შესაძლებლობას, რომ შიდა ტურიზმი განვავითაროთ ქვეყანაში და მაქსიმალურად ავითვისოთ საქართველოს ბუნებრივი სიმდიდრეები კურორტების სახით“, - განაცხადა პაატა იმნაძემ.