საფრანგეთში, უცნობი დაავადებით, რომელიც ექსპერტების ვარაუდით, კორონავირუსთან არის კავშირში, 9 წლის ბიჭი დაიღუპა. ფრანგული მედიის ინფორმაციით, ქვეყანაში ეს პირველი შემთხვევაა. გავრცელებული ცნობებით, ბავშვი კორონავირუსის დადასტურებიდან მეშვიდე დღეს გარდაიცვალა.
აქამდე უცნობ დაავადებაზე, რომელიც დიდი ალბათობით კორონავირუსს უკავშირდება, ლონდონსა და ნიუ-იორკშიც განაცხადეს. ლონდონის ბავშვთა ჰოსპიტალში აღნიშნეს, რომ მას 14 წლის ბიჭი ემსხვერპლა, რომელსაც თანმდევი დაავადებები არ აღენიშნებოდა.
ნიუ-იორკის გუბერნატორის თქმით კი, უცნობ დაავადებას 3 მცირეწლოვანი ემსხვერპლა, ხოლო 100-ზე მეტი შემთხვევა გამოვლინდა.
ექპსერტების ინფორმაციით, დაავადება 1-დან 14 წლამდე ბავშვებში ვლინდება და მას მაღალი სიცხე და გამონაყარი ახასიათებს.