ავღანეთში, ორ მეჩეთზე თავდასხმას 13 ადამიანი ემსხვერპლა
გუშინ ღამით, ავღანეთის ორ მეჩეთზე შეიარაღებულმა პირებმა თავდასხმა განახორციელეს, რა დროსაც სულ მცირე 13 მომლოცველი დაიღუპა. დაჭრილია ათობით ადამიანი.
ავღანეთის შინაგან საქმეთა სამინისტრო თავდასხმებში „თალიბანს“ ადანაშაულებს, თავად დაჯგუფებაში კი აცხადებენ, რომ მომხდართან კავშირი არ აქვთ.
ცნობისთვის, ბოლო კვირების მანძილზე ავღანეთში არაერთი ტერორისტული თავდასხმა განხორციელდა. მათ შორის ქაბულის სამშობიარო სახლზე, როცა შეიარაღებულმა პირებმა 30-მდე ადამიანი მოკლეს, მათ შორის ახალშობილები და დედები.
