ახლა რომ იგივე მასშტაბით იყოს საზოგადოებრივი ტრანსპორტით გადაადგილება, დარწმუნებული ბრძანდებოდეთ, რომ მალე მივიღებთ ვირუსის გავრცელების მეორე ტალღას, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ბრიფინგზე განაცხადა. მისივე თქმით, ქვეყანაში ნაკლები ზიანის მთავარი განმსაზღვრელი ფაქტორი სწორედ მობილობის დაგდება იყო.

„ამიტომ ვამბობთ, რომ კორონავირუსმა მთელს მსოფლიოში ბევრი რამე შეცვალა, ბევრი სამსახური გადავა ონლაინ სამუშაოზე, სადაც ამის შესაძლებლობა იქნება. ნაკლები მობილობა! ჩვენ რომ დღეს რაღაცას მივაღწიეთ და ნაკლები დაზიანება გვაქვს ქვეყანაში, მთავარი განმსაზღვრელი ფაქტორი იყო სწორედ მობილობის დაგდება,“ - განაცხადა ამირან გამყრელიძემ.