თბილისის მერის კახა კალაძის განცხადებით, ეპიდემიოლოგებს ჯერჯერობით ინსტრუქცია არ გაუციათ იმის შესახებ, თუ როდის იქნება შესაძლებელი, რომ საზოგადოებრივმა ტრანსპორტმა მუშაობა დაიწყოს. მისივე თქმით, როგორც კი დარგის სპეციალისტებისგან შესაბამისი მითითებები გაიცემა, საზოგადოებრივი ტრანსპორტი ამუშავდება.

„ჯერ არ მოუწოდებიათ ინსტრუქცია იმასთან დაკავშირებით თუ როდის უნდა გაეშვას საზოგადოებრივი ტრანსპორტი და დაიწყოს მუშაობა. როგორც კი დარგის სპეციალისტები მოგვცემენ მითითებებს, ჩვენ გვაქვს სრული მზადყოფნა და მუშაობა დაიწყება“, - განაცხადა კალაძემ.