დიმიტრი ხუნდაძე - საუბარი არ არის იმაზე, რომ პარლამენტი გავაუქმოთ და სახლში წავედით, რა თქმა უნდა, პარლამენტი საზედამხედველო საქმიანობას იტოვებს

არც არის საუბარი იმაზე, რომ 100%-ით გადავაბაროთ, პარლამენტი გავაუქმოთ და წავედით სახლში, რა თქმა უნდა, პარლამენტი საზედამხედველო საქმიანობას იტოვებს, - ამის შესახებ ჯანდაცვის კომიტეტის თავმჯდომარემ დიმიტრი ხუნდაძემ „საზოგადოებრივი ჯანმრთელობის შესახებ“ კანონში ცვლილებების შეტანის თაობაზე მომზადებული კანონპროექტის ირგვლივ დასმული კითხვის საპასუხოდ განაცხადა.

მისივე განმარტებით, საგანგებო მდგომარეობის დროს პარლამენტისთვის საკანონმდებლო მოღვაწეობის გაგრძელება უფრო რთულია, აქედან გამომდინარე, უმჯობესია, მთავრობამ საგანგებო მდგომარეობის გამოცხადების გარეშე გააგრძელოს იმ რეგულაციებით მუშაობა, რომლის განხორციელების უფლებასაც მას პარლამენტი მიანიჭებს.

„საგანგებო მდგომარეობის დროს უფრო რთულია პარლამენტმა საკანონმდებლო მოღვაწეობა გააგრძელოს, ვიდრე მის გარეშე. სწორედ ამას გთავაზობთ, რომ საგანგებო მდგომარეობის გამოცხადების გარეშე იმუშაოს მთავრობამ თავისი რეგულაციებით, რის უფლებასაც ჩვენ მივცემთ ან არ მივცემთ, არ ვიცი, აქ უნდა გადავწყვიტოთ და პარლამენტმა გააგრძელოს თავისი საკანონმდებლო მუშაობა, თუ იქნება საჭირო, დავსხდეთ, დავწეროთ და მივიღოთ კანონი“, - განაცხადა დიმიტრი ხუნდაძემ.

ცნობისთვის, ახალი კანონპროექტის მიხედვით, მთავრობას ქვეყანაში შემზღუდავი ღონისძიებების გატარება საგანგებო მდგომარეობის გამოცხადების გარეშეც შეეძლება. „საზოგადოებრივი ჯანმრთელობის შესახებ“ კანონში ცვლილებების პროექტის თანახმად, საკარანტინო ღონისძიებები ახლებურად განისაზღვრება და გულისხმობს ისეთ ღონისძიებებსაც, რაც დაკავშირებულია გადაადგილების, ეკონომიკური საქმიანობის, საკუთრების, თავშეყრის, შრომის და სხვა უფლებების შეზღუდვასთან.

ლადო პაპავა - მოსახლეობა პოზიტიური დღის წესრიგის მოლოდინშია
ლევან კლიმიაშვილი - ტექნიკურ უნივერსიტეტში შუალედური გამოცდების ჩატარება გენერალური რეპეტიცია იყო ფინალური გამოცდებისთვის
ქართული პრესის მიმოხილვა 01.06.2020
ამირან სალუქვაძე - მიუღებელი რეალობაა - ხელისუფლებას და ოპოზიციას ერთმანეთი აწყობთ