აშშ-ის ფედერალური მთავრობის შენობებსა და ეროვნულ ძეგლებზე კორონავირუსის მსხვერპლთა პატივისცემის გამოსახატად დროშებს დაუშვებენ,- ამის შესახებ ქვეყნის პრეზიდენტი დონალდ ტრამპი სოციალურ ქსელ „ტვიტერში“ წერს.
პრეზიდენტის ინფორმაციით, დროშები სამი დღის განმავლობაში იქნება დაშვებული.
„ყველა ფედერალურ შენობასა და ეროვნულ ძეგლზე სამი დღის განმავლობაში დროშებს დავუშვებ იმ ამერიკელების ხსოვნის ნიშნად, რომლებიც კორონავირუსს შეეწირნენ,“- წერს ტრამპი.
შეგახსენებთ, ბოლო მონაცემებით აშშ-ში კორონავირუსს 96 000-ზე მეტი ადამიანის სიცოცხლე შეეწირა.