ორგანიზაცია „დავიცვათ საქართველოს სისუფთავე“ წელს ეკოსკოლების საერთაშორისო პროექტის ქართულ ანალოგს წარადგენს

22 მაისი ბიომრავალფეროვნების საერთაშორისო დღეა და ორგანიზაცია „დავიცვათ საქართველოს სისუფთავე“, საქართველოს სახელით უერთდება ამ დღეს და ბუნების დაცვის, გაფრთხილების კუთხით მუშაობას და ადამიანების ამ თემის ირგვლივ გაერთიანებას კვლავაც აქტიურად განაგრძობს,- ამის შესახებ „ინტერპრესნიუსს“ ორგანიზაციიდან - „დავიცვათ საქართველოს სისუფთავე“ აცნობეს.

მათი ინფორმაციით, პროექტის ფარგლებში მუშავდება სპეციალური სასწავლო პროგრამა და აქტივობები, რომელიც საშუალებას იძლევა ცოდნის გაღრმავებით და საკითხის სწორი გააზრებით მეტი ადამიანი ჩაერთოს გარემოსდაცვით აქტივობებში და ბუნების დაცვა ყოველდღიურობის განუყოფელ ნაწილად აქციოს.

„ამ დღისადმი მიძღვნილი სლოგანიც ხაზს უსვამს ამ პრობლემის გადაჭრის უმთავრეს საკითხებს; ვიყოთ ერთიანები, გავიაზროთ საერთო საფრთხე და ვიპოვოთ გამოსავალი. სწორედ ასეთი მიდგომა და ბუნებასთან ჰარმონიული თანაცხოვრება შექნის უკეთეს გარემოს მომავალი თაობისთვის და უზრუნველყოფს მათ ჯანმრთელობას. 2020 წელი სწორედ ამ გარდატეხების პერიოდად შეიძლება იქცეს და ორგანიზაცია „დავიცვათ საქართველოს სისუფთავე“ სწორედ 2020 წელს წარადგენს ეკოსკოლების საერთაშორისო პროექტის ქართულ ანალოგს, რომლის ფარგლებშიც სკოლის მოსწავლეები, მასწავლებლები, მათი ოჯახის წევრები უფრო მეტად დაუახლოვდებიან გარემოსდაცვითი პრობლემების საკითხებს და მათ გადაწყვეტაშიც აქტიურ მონაწილეობას მიიღებენ“,- ნათქვამია ინფორმაციაში.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა