“საქპატენტი” მოქალაქეთა მიღების ცენტრს ხსნის

საქართველოს ინტელექტუალური საკუთრების ეროვნული ცენტრის, საქპატენტის სტრუქტურული ერთეულები დისტანციური მუშაობის რეჟიმში ფუნქციონირებას აგრძელებენ, გარდა იმ სტრუქტურული ერთეულებისა, რომლებიც მოქალაქეთა მომსახურებას და საქმისწარმოებას უზრუნველყოფენ. როგორც „ინტერპრესნიუსს“ “საქპატენტიდან” აცნობეს, დღეს განახლდა მოქალაქეთა მიღება მომსახურების ცენტრში და განმცხადებლები განაცხადების შეტანას უშუალოდ ოფისშიც შეძლებენ.

მათივე ინფორმაციით, მთავრობის რეკომენდაციების თანახმად, “საქპატენტის” ოფისებში უზრუნველყოფილია შემომსვლელი პირების, მათ შორის, თანამშრომლების თერმული სკრინინგის პროცედურა და როგორც ყველა დაწესებულებაში, მოქალაქეები შენობაში დაიშვებიან მხოლოდ პირბადით.

„გარდა ამისა, მომხმარებელთა მიღების ცენტრები აღიჭურვა მინის გამყოფი კონსტრუქციებით, საერთო სივრცეებში კი განთავსდა ხელის ანტიბაქტერიული ხსნარები. “საქპატენტის” თანამშრომელთა ჯანმრთელობის უსაფრთხოების დასაცავად თითო-ეულ მათგანს დაურიგდა პირველადი თავდაცვის საშუალებები: პირბადე, ხელთათმანი და სადეზინფექციო ხსნარი, ოფისებში კი ჩატარდა და გაწერილი პერიოდულობით ტარდება სადეზინფექციო სამუშაოები. “საქპატენტი” მოუწოდებს განმცხადებლებს გადაუდებელი აუცილებლობის გარდა, თავი შეიკავონ საქპატენტის ოფისებში ვიზიტისგან და გამოიყენონ უწყების ელექტრონული განაცხადების სისტემა (www.sakpatenti.gov.ge). მოქმედი სისტემის საშუალებით შესაძლებელია ყველა ობიექტზე (სასაქონლო ნიშანი, დიზაინი, გამოგონება, სასარგებლო მოდელი, ახალი ჯიშები, გეოგრაფიული აღნიშვნა და ადგილწარმოშობის დასახელება, საავტორო უფლებები) განაცხადების ელექტრონულად წარდგენა, დამუშავება და ონლაინ მონიტორინგი. კვლავ ძალაში რჩება 20%-იანი შეღავათი განაცხადის ელექტრონულად შემოტანის შემთხვევაში.დისტანციური მუშაობის რეჟიმის პირობებში, “საქპატენტის” სხვა სტრუქტურული ერთეულები კვლავ შეუფერხებლად აგრძელებენ ფუნქციონირებას და ყველა მომსახურების მიწოდებას ახორციელებენ კანონმდებლობით განსაზღვრულ ვადებში. მათ შორის, შეუფერხებლად აგრძელებს მუშაობას საქპატენტთან არსებული სააპელაციო პალატაც, რომლის სხდომები, საჭიროების შემთხვევაში, იმართება დისტანციური კომუნიკაციის პლატფორმების გამოყენებით.ჩვენთვის პრიორიტეტულია დავიცვათ, როგორც თანამშრომლების ჯანმრთელობა, ისე გავუფრთხილდეთ ქვეყნის თითოეულ მოქალაქის სიცოცხლეს და ავარიდოთ მათ შესაძლო საფრთხე“, - აღნიშნულია “საქპატენტის” მიერ გავრცელებულ ინფორმაციაში.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო