აშშ-ში, ვირჯინიის შტატის ქალაქ რიჩმონდის „ბირდ პარკში“ შეკრებილმა საპროტესტო აქციის მონაწილეებმა ქრისტეფორე კოლუმბის ძეგლი ჩამოაგდეს, - ამის შესახებ ინფორმაციას ბრიტანული გამოცემა The Guardian-ი ავრცელებს.

გამოცემის ცნობით, ანტი-რასისტული საპროტესტო აქციის მონაწილეებმა ძეგლი თოკების გამოყენებით ჩამოაგდეს, ცეცხლი წაუკიდეს და ტბაში ჩააგდეს.

შეგახსენებთ, ორი დღის წინ ბრისტონში, დიდ ბრიტანეთში, დემონსტრანტებმა მე-17 საუკუნის მონებით მოვაჭრის ედვარდ კოლსტონის ქანდაკება ჩამოაგდეს და მდინარეში ჩააგდეს.