სრული პასუხისმგებლობით ვაცხადებ, რომ სახელმწიფო ინსპექტორის სამსახურის საგამოძიებო დეპარტამენტი, რომელიც მხოლოდ რამდენიმე თვეა შეიქმნა, არაფრით ჩამოუვარდება იმ საგამოძიებო უწყებებს, რომლებიც ასეულობით წლებია არსებობს, - ამის შესახებ სახელმწიფო ინსპექტორმა, ლონდა თოლორაიამ განაცხადა. მან იურიუდიულ საკითხთა კომიტეტის სხდომაზე, სამსახურის საქმიანობის 2019 წლის ანგარიშის წარდგენისას სამსახურის ახალი, დამოუკიდებელი საგამოძიებო მექანიზმის საქმიანობაზე გაამახვილა ყურადღება.
„მე, როგორც ამ საგამოძიებო უწყების ხელმძღვანელი, სრული პასუხისმგებლობით ვაცხადებ, რომ სახელმწიფო ინსპექტორის სამსახურის საგამოძიებო მიმართულება ინსტიტუციურად შედგა და მუშაობს გამართულად და შეუფერხებლად. საგამოძიებო დეპარტამენტი ქმნის გამოძიების მაღალ სტანდარტს და ეფექტიანი გამოძიების ისტორიას. მე როგორც ამ საგამოძიებო უწყების ხელმძღვანელი სრული პასუხისმგებლობით ვაცხადებ, რომ სახელმწიფო ინსპექტორის სამსახურის საგამოძიებო დეპარტამენტი, რომელიც მხოლოდ რამდენიმე თვეა არსებობს, არაფრით ჩამოუვარდება იმ საგამოძიებო უწყებებს, რომლებიც ასეულობით წლებია არსებობს. ჩვენი მთავარი იარაღია კანონი და თანამშრომელთა პროფესიონალიზმია,“ - განაცხადა ლონდა თოლორაიამ.