თუ ჩვენ ეს ეპიდსიტუაცია შეინარჩუნეთ, რაც დღეს ქვეყანაში გვაქვს, მაშინ სწავლის დაწყების საფრთხე არ უნდა იყოს, - ამის შესახებ დაავადებათა კონტროლის ეროვნული ცენტრის დირექტორმა, ამირან გამყრელიძემ მთავრობის ადმინისტრაციაში გამართულ ბრიფინგზე სწავლის დაწყების საკითხის შესახებ განაცხადა.

როგორც მან აღნიშნა, სექტემბერში სწავლა დისტანციურ რეჟიმში დაიწყება თუ ჩვეულებრივ რეჟიმში, ეპიდსიტუაციაზეა დამოკიდებული.

რაც შეეხება საქართველოს მხრიდან პანდემიასთან დაკავშირებით სომხეთის დახმარების საკითხს, ამირან გამყრელიძე აცხადებს, რომ დახმარების შეთავაზების საკითხი კვლავ ძალაშია. „მინისტრის მოადგილეების დონზე გვქონდა ორი საინტერესო ტელეხიდი სომხეთის ჯანდაცვის ხელმძღვანელობასთან. შეთავაზებები რაც მე გავაჟღერე, რა თქმა უნდა, ძალაშია თუ ისინი ამ საკითხს დასვამენ,“-აღნიშნა გამყრელიძემ.