კონგრესმენი დონ ბეიკონი აცხადებს, რომ აშშ-ის რესპუბლიკელთა კვლევითი კომიტეტის ანგარიშის ის ნაწილი, რომელიც ბიძინა ივანიშვილს ეხება, მას არ დაუწერია. „ეს ნაწილი მე არ დამიწერია, ჩვენ ავიყვანეთ ტექნიკური ექსპერტები, რომლებიც დაგვეხმარნენ. მე ამ დოკუმენტზე სტრაგეტიულ დონეზე ვმუშაობდი“, - განაცხადა „რესპუბლიკელმა“ კონგრესმენმა დონ ბეიკონმა გადაცემა Пограничная ZONA-სთვის მიცემულ ინტერვიუში, რითაც მან უპასუხა ჟურნალისტის კითხვას, თუ როგორ მომზადდა აშშ-ის რესპუბლიკელთა კვლევითი კომიტეტის ანგარიში და რა მტკიცებულება აქვთ მათ იმის შესახებ, რომ ბიძინა ივანიშვილი რუსეთის პრეზიდენტ ვლადიმერ პუტინის ახლო მოკავშირეა.

„ეს ნაწილი მე არ დამიწერია, ჩვენ ავიყვანეთ ტექნიკური ექსპერტები, რომლებიც დაგვეხმარნენ. მე ამ დოკუმენტზე სტრაგეტიულ დონეზე ვმუშაობდი. ჩვენ გვსურს ახლო ურთიერთობა საქართველოსთან, საქართველო ჩვენი მეგობარია და ქართველი ხალხი ჩვენი მეგობრები არიან,“ - განაცხადა დონ ბეიკონმა. შეგახსენებთ, რამდენიმე დღის წინ აშშ-ის რესპუბლიკელთა კვლევითმა კომიტეტმა ეროვნული უსაფრთხოების სტრატეგია გამოაქვეყნა სახელწოდებით – „ამერიკის გაძლიერება და გლობალური საფრთხეების წინააღმდეგ ბრძოლა“. დოკუმენტს ხელს 13 „რესპუბლუკელი“ კონგრესმენი, მათ შორის დონ ბეიკონი, აწერს.