სალომე ზურაბიშვილმა კოლხეთის ეროვნულ პარკში პალიასტომის ტბა დაათვალიერა

პრეზიდენტმა, ადგილობრივი ტურიზმის გახსნისა და მხარდაჭერის ფარგლებში, დღეს სამეგრელოს რეგიონში პალიასტომის ტბა დაათვალიერა. პრეზიდენტის ადმინისტრაციის ინფორმაციით, ტბა, რომელიც საქართველოში სიდიდით მეორეა, კოლხეთის ეროვნული პარკის შემადგენლობაში შედის. ამავდროულად ის ზღვის დონიდან ყველაზე დაბლა მდებარე და თევზით მდიდარი ტბაა საქართველოში. ეს ადგილი უნიკალურია ფრინველებზე დაკვირვებისთვის. ტბა გადამფრენი ფრინველების ერთ-ერთი ძირითადი გასაჩერებელი და გამოსაზამთრებელი ადგილია. „როგორც პრეზიდენტს ეროვნული პარკის წარმომადგენლებმა განუცხადეს, სწორედ უძველესი კოლხური ტყეებისა და უნიკალური ჭარბტენიანი ტერიტორიების დაცვის მიზნით შეიქმნა კოლხეთის ეროვნული პარკი 1999 წელს. იმის გამო, რომ საქართველო რამსარის საერთაშორისო კონვენციასთანაა მიერთებული, რომელიც მიგრირებადი ფრინველებისათვის მნიშვნელოვან ჭარბტენიან ტერიტორიებს იცავს, კოლხეთის ეროვნულ პარკს საერთაშორისო მნიშვნელობა გააჩნია. 2019 წლის თებერვალში კი, მოხდა კოლხური ტყეებისა და ჭარბტენიანი ტერიტორიების ნომინირება იუნესკოს ბუნებრივი მემკვიდრეობის უბნად და ამჟამად საკითხი განხილვის სტადიაშია“, - ნათქვამია ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა