ოთარ კერესელიძის განცხადებით, ვარკეთილში შერეული ბაზრის ტერიტორიაზე საკმაოდ დიდი ფართობი იწვის და ადგილზე მობილიზებულია 21 სახანძრო-სამაშველო ცისტერნა
საგანგებო სიტუაციების მართვის სამსახურის თბილისის მთავარი სამმართველოს უფროსის ოთარ კერესელიძის განცხადებით, ვარკეთილის შერეულ ბაზრობაზე საკმაოდ დიდი ფართობი იწვის.
როგორც მან ჟურნალისტებს განუცხადა, ადგილზე მობილიზებულია 21 სახანძრო-სამაშველო ცისტერნა, თუმცა დამატებითი ჯგუფები ასევე მოდიან რუსთავიდან და წყნეთიდან.
"მეხანძრე- მაშველები აკეთებენ ყველაფერს, რათა მოხდეს ცეცხლის მაქსიმალურად მალე ლოკალიზება. ძალიან დიდი გართულებები ამ ეტაპზე არ არის," - განაცხადა კერესელიძემ.
