ერთ-ერთი მოვაჭრე აცხადებს, რომ ხანძრის შედეგად დაახლოებით 30 000 ლარის ოდენობის ზარალი მიადგა
ვარკეთილში შერეულ ბაზრობაზე დასაქმებული ერთ-ერთი მოვაჭრის განცხადებით, მას ბაზრობაზე 4 სავაჭრო ობიექტი ჰქონდა, რომელიც მისი ინფორმაციით დამწვარია.
როგორც მან "ინტერპრესნიუსს" განუცხადა, ჯამში 30 ათასი ლარის ტანსაცმელი ჰქონდა.
"4 ადგილი გვქონდა. ოთხივე ტანსაცმლის. ორ რიგში იყო..სავარაუდოდ, დამწვარია ოთხივე მაღაზია, იმიტომ რომ ეს რიგები დამწვარიაო ამბობენ. 30 ათასი ლარის ზარალია" , - განაცხდა მან.
ცნობისთვის, ვარკეთილში შერეულ ბაზარში ხანძარი გაჩნდა. ცეცხლი ამ დროისთვის ლოკალიზებულია და მიმდინარეობს სალიკვიდაციო სამუშაოები. დამწვარია დაახლოებით 1000 - კვ.მ ფართობი. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.
