ატლანტიკის საბჭოს ევრაზიის ცენტრის (Atlantic Council Eurasia Center) ინიცირებითა და ორგანიზებით, 15 ივნისს, საერთაშორისო ვებინარი გაიმართა თემაზე: სამხრეთ კავკასიის ქვეყნები COVID-19 პანდემიასთან ბრძოლაში.

დაავადებათა კონტროლის ეროვნული ცენტრის ინფორმაციით, ვებინარში სპიკერებად მონაწილეობა მიიღეს საქართველოს, აზერბაიჯანისა და სომხეთის წარმომადგენლებმა პანდემიასთან ბრძოლაში ქვეყნების გამოცდილების გაზიარების მიზნით.

საქართელოს მხარეს წარმოადგენდა დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე, სომხეთის მხარეს - დაავადებათა კონტროლისა და პრევენციის ცენტრის დირექტორის მოადგილე ნუნე ბაკუნცი, ხოლო აზერბაიჯანის შემთხვევა წარმოადგინა Azerbaijan Internet Watch-ის მიმომხილველმა არზუ გეიბულამ.

ასევე, ქვეყნების გამოცდილება და მთავრობების ქმედებები შეაფასა და შეაჯამა თურქეთისა და კავკასიის საკითხების მკვლევარმა, ჯოშუა კუჩერამ ( Eurasianet). გამოსვლების შემდეგ, სპიკერებმა პასუხი გასცეს ვებინარის "ლაივში" შემოსულ შეკითხვებს.