მამუკა მდინარაძე - სუს-მა აღკვეთა უსერიოზულესი დანაშაული, რომელიც მიზნად ისახავდა ქვეყანაში არეულობას - ერთი მხარეა, ეს ქმედება საიდან დაიგეგმა და მეორეა - ვის აწყობდა, ვის ინტერესებში ჯდებოდა

საპარლამენტო უმრავლესობის ლიდერის, მამუკა მდინარაძის განცხადებით, სუს-მა უსერიოზულესი დანაშაული აღკვეთა, რომელიც არა მხოლოდ ერთი ადამიანის, არამედ მთელი სახელმწიფოს წინააღმდეგ იყო მიმართული. მდინარაძის თქმით, ეს რუსეთთან ერთად, იმ ადამიანებსაც აწყობდათ, ვის ინტერესშიც ქვეყანაში დესტაბილიზაციის შექმნა შედის.

„სუს-მა აღკვეთა უსერიოზულესი დანაშაული და მადლობის მეტი არცერთ მოქალაქეს არაფერი ეთქმის. ამ მძიმე დანაშაულის მიზანი არ შეიძლება მიმართული ყოფილიყო მხოლოდ და მხოლოდ ერთი ადამიანისკენ. ეს მიმართული იყო სახელმწიფოსკენ, მისი სტაბილურობისკენ და საბოლოო მიზნადაც ისახავდა იმას, რომ ამ ქვეყანაში არეულობა მომხდარიყო. ამისი ერთერთი „შემოქმედი" არის რუსეთი. ეს უკვე დადასტურებულია და ამაში ეჭვი არავის ეპარება, მაგრამ სხვა ვის ინტერესებში ჯდება ამ ქვეყანაში დესტაბილიზაცია, არეულობა და ქაოსი, ვინც მისმენს, თითოეული ადამიანი, ალბათ, დასკვნას თავის თავთან გააკეთებს. მემგონი ბევრი კამათი ამ თემას არ სჭირდება. მე არსაითკენ არ მიმყავს საუბარი. აქ 100%-იანი სიზუსტით ინფორმაცია შეიძლება მეც არ მქონდეს, მაგრამ ერთი მხარეა, ეს ქმედება საიდან დაიგეგმა და მეორე მხარეა - ვის აწყობდა, ვის ინტერესებში ჯდებოდა. ეს ინტერესების თანხვედრა შემთხვევითია, არ არის, უბრალოდ ინტერესების დამთხვევაა თუ რა არის, ამაზე გამოძიებამ უნდა იმსჯელოს და წინასწარ რაიმე განცხადებების გაკეთება არ შეიძლება,"- განაცხადა მდინარაძემ.

ჟურნალისტების კითხვაზე, გულისხმობს თუ არა ის „ნაციონალურ მოძრაობას", მდინარაძემ უპასუხა, ამით ყველაფერი ნათქვამია, ვინაიდან ჟურნალისტებმა „უმალ „ნაციონალურ მოძრაობაზე" ჰკითხეს.

„რატომ მკითხეთ მაინც და მაინც „ნაციონალური მოძრაობა"? მე ვთქვი, რომ ეს ასევე შედიოდა მათ ინტერესებში, ვისაც აწყობს ამ ქვეყანაში დესტაბილიზაცია, ქაოსი და არეულობა. თქვენ კი უმალვე დამიბრუნეთ კითხვა, მივანიშნებ თუ არა „ნაციონალურ მოძრაობაზე". ამით ყველაფერი ნათქვამია, თუმცა მე მაინც და მაინც „ნაციონალურ მოძრაობაზე" არ მივანიშნებ," - განაცხადა მდინარაძემ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით