კლინიკაში აცხადებენ, რომ ბაგრატიონის ქუჩაზე, ლიფტის ჩაწყდომის შედეგად დაშავებული არასრულწლოვნის ჯანმრთელობის მდგომარეობა დამაკმაყოფილებელია
არასრულწლოვნის ჯანმრთელობის მდგომარეობა, რომელიც თბილისში ლიფტის ჩაწყდომის შედეგად დაშავდა, დამაკმაყოფილებელია. ამის შესახებ “ინტერპრესნიუსს” იაშვილის სახელობის ბავშვთა ცენტრალურ საავადმყოფოში განუცხადეს.
როგორც კლინიკაში ამბობენ, ერთადერთი დაზიანება, რაც ბავშვს აღენიშნება, ფეხის მიდამოში ექსკორეაციაა.
ცნობისთვის, თბილისში ბაგრატიონის ქუჩაზე ლიფტის ჩაწყდომის შედეგად 4 ადამიანი დაშავდა, მათ შორის ერთი არასრულწლოვანია. ასევე დაშავებულ ერთ მამაკაცს ქვედა კიდურების მოტეხილობა აღენიშნება, კიდევ ერთ დაშავებულ მამაკაცს და ერთ ქალს კი ქვედა კიდურების ღია მოტეხილობები აქვთ.
