ორგანიზაციამ „დავიცვათ საქართველოს სისუფთავე“, მოსწავლეებისთვის ეკოკონკურსი გამოაცხადა

ორგანიზაციამ „დავიცვათ საქართველოს სისუფთავე“, სკოლის მოსწავლეებისთვის ეკოკონკურსი გამოაცხადა, რომელიც ახალ თაობაში ეკოაქტივიზმის წახალისებას და გარემოსდაცვითი პრობლემების მიმართ საზოგადოების ყურადღების გამახვილებას ისახავდა მიზნად.

როგორც „ინტერპრესნიუსს“ ორგანიზაციიდან „დავიცვათ საქართველოს სისუფთავე“ აცნობეს, კონკურსში მონაწილეობა საქართველოს თითქმის ყველა რეგიონის სკოლის მოსწავლეებმა და მათი ოჯახის წევრებმა მიიღეს. ერთი თვის მანძილზე 160 მონაწილემ შექმნა გარემოს დაცვის თემაზე შექმნილი საკომუნიკაციო მასალა და წარმოადგინა პრობლემის გადაწყვეტის საკუთარი ხედვა. მონაწილეებს ნამუშევრების შექმნის პროცესში მათი ოჯახის წევრებიც უნდა ჩაერთოთ და ერთობლივი შედეგი წარმოედგინათ.

„თუ არ ვამცირებთ ჩვენ ნარჩენს, აზრი არა აქვს დანარჩენს! - ეს გზავნილი ერთ-ერთ გამარჯვებულს, მარიამ ბედიას ეკუთვნის, რომელიც სამეგრელოს სოფელ ინჩხურიდანაა. მარიამმა, დედასთან ერთად, გამოუსადეგარ პლასტმასის საგნებს ახალი ფუნქცია მოუძებნა და ნარჩენების შემცირების ასეთი გზა შესთავაზა საზოგადოებას.

ლიზი მექვაბიშვილი კონკურსის კიდევ ერთი გამარჯვებულია გურიის სოფელ ჯუმათიდან. მან სკოლაში ისწავლა კომპოსტის დამზადება, კონკურსის ფარგლებში კი თავის ოჯახის წევრებთან ერთად კომპოსტირება საკუთარ ეზოში წამოიწყო და საყოფაცხოვრებო ნარჩენებს ეკომეგობრულ სასუქად აქცევს.

ლილი დეივის-დოლაბერიძე კონკურსის თბილისელი მონაწილეა. მან გარემოსდაცვითი პოსტერები თავის და-ძმასა და დედასთან ერთად შექმნა, რომლის მიზანიცაა ადამიანებს აჩვენოს როგორ შეუძლიათ დაზოგონ გარემო, შეამცირონ ნარჩენები და გახდნენ უფრო ეკომეგობრულები.

საუკეთესო კონკურსანტები სპეციალურმა ჟიურიმ გამოავლინა, რომლის შემადგენლობაშიც იყვნენ საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრის, განათლების, მეცნიერების, კულტურისა და სპორტის სამინისტროს, მყარი ნარჩენების მართვის კომპანიის, მწვანეთა მოძრაობის, გარემოსდაცვითი ორგანიზაციების სენის, ორქისის და დავიცვათ საქართველოს სისუფთავის წარმომადგენლები.

შეგახსენებთ, რომ კონკურსი ჩატარდა პროექტ ეკოსკოლის ფარგლებში, რომლის განხორციელებაც ორგანიზაციამ „დავიცვათ საქართველოს სისუფთავე“ აპრილის თვიდან დაიწყო. ეკოსკოლა, მსოფლიო მასშტაბის პროექტია, რომელიც გულისხმობს მოსწავლეების და მასწავლებლების ერთი საერთო მიზნის, გარემოს დაცვის ირგვლივ გაერთიანებას და მდგრადი სკოლების ჩამოყალიბების ხელშეწყობას. პროგრამა იწყება სკოლიდან და ახალი თაობის სწავლებით და მათი აქტიური ჩართულობით ვრცელდება მთელ საზოგადოებაზე. პროგრამა ხორციელდება შვედეთის მთავრობის ფინანსური მხარდაჭერით,“ - ნათქვამია ინფორმაციაში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ