უკრაინის ელჩის განცხადებით, მამუკა მდინარაძესთან შეხვედრის მთავარი თემა საკონსტიტუციო ცვლილებები და მოახლოებული არჩევნები იყო
შეხვედრის მთავარი თემა საქართველოს საკონსტიტუციო ცვლილებები და მოახლოებული არჩევნები იყო, - ამის შესახებ უკრაინის ელჩმა საქართველოში იგორ დოლგოვმა პარლამენტში უმრავლესობის ლიდერ მამუკა მდინარაძესთან შეხვედრის შემდეგ განაცხადა.
მისივე თქმით, აღნიშნული საკითხი მნიშვნელოვანია არა მხოლოდ დღეს, არამედ მნიშვნელოვანი იყო გასულ დღეებში და მნიშვნელოვანი იქნება უახლოეს მომავალშიც.
„რასაკვირველია, თვალყურს ვადევნებთ საქართველოში მიმდინარე საშინაო პოლიტიკურ მოვლენებს და პოლიტიკური ცხოვრების თვალყურის დევნება შეუძლებელია პირადი კონტაქტების გარეშე. ამიტომ პარლამენტში შემავალი ყველა პარტიის წარმომადგენლებთან შეხვედრას ვაფასებ,“- განაცხადა ელჩმა.
ცნობისათვის, უკრაინის ელჩმა საქართველოში იგორ დოლგოვმა უმრავლესობის ლიდერ მამუკა მდინარაძესთან პარლამენტში შეხვედრა გამართა.
