გიგა ბოკერია განმარტავს, თბილისში არსებული 8 მაჟორიტარული ოლქიდან, ოპოზიციურმა პარტიებმა ორში საერთო კანდიდატები რატომ არ წარადგინეს

„ევროპული საქართველოს“ ერთ-ერთი ლიდერის გიგა ბოკერიას განცხადებით, თბილისში არსებული 8 მაჟორიტარული ოლქიდან 2-ში ოპოზიციურმა პარტიებმა საერთო კანდიდატები იმიტომ არ წარადგინეს, რომ სხვა პოლიტიკურმა ძალებმა ან საზოგადოებრივმა ფიგურებმა საკუთარი კანდიდატის დაყენება შეძლონ.

როგორც ბოკერიამ ტელეკომპანია „პალიტრანიუსის“ გადაცემა Newsroom-ის ეთერში განაცხადა, იმ შემთხვევაში, თუ ამ ორ ოლქში მაჟორიტარობის სხვა კანდიდატები არ გამოჩნდებიან, შესაძლოა, ოპოზიციაში ამაზე იმსჯელონ.

„ეს სპეციალურად მოხდა, იმიტომ, რომ არიან სხვა პოლიტიკური ძალები, საზოგადოებრივი ფიგურები, რომლებიც, შესაძლოა, განხილულნი იყვნენ, როგორც მომგებიანი კანდიდატები ამ ორ ოლქში, ჩვენ ვუდგებით ასე და არა კვოტებით. ჩვენ ვუდგებით ისე, კონკრეტული ოლქებში მოხდეს იმ ფიგურების შერჩევა, რომლებიც შეძლებენ სხვა პარტიების მხარდაჭერის შემთხვევაში დამატებითი მხარდაჭერის მოპოვებას, რომ აშკარა უპირატესობით მოიგონ პირველ ტურში. ასე მივუდგებით ამ ორ ოლქსაც - საბურთალოსა და დიდუბე-ჩუღურეთს.

„ლელო“ ამ შეთანხმების ნაწილი არასოდეს იყო. არაფერი აურევიათ. თუ იქნა „ლელოდან“ ან რომელი სხვა ძალიდან, ან თუნდაც არაპარტიული საზოგადო ფიგურა, რომელიც ამ პოლიტიკური ძალებისთვის არის მისაღები მეტ-ნაკლებად მაინც და შეძლებს პირველივე ტურში ივანიშვილის კანდიდატის დამარცხებას, ეს არის ჩვენი ამოცანა. ამისთვის დავტოვეთ ეს ორი ოლქი.

საბურთალო და დიდუბე-ჩუღურეთი სპეციფიური ოლქებია და აქ თუ გამოჩნდება პოლიტიკური ან საზოგადოებრივი ფიგურა, არა ჩვენი თანამოაზრე, მაგრამ ვინც იზიარებს მიდგომას, რომ პროპორციულობა გვინდა, რომ კოალიციური მთავრობა უნდა შედგეს, რომ უნდა ვისწავლოთ რთული კომპრომისები, რომელსაც აქვს ცნობადობა და მომგებია პირველ ტურში, ამ ნიშნით ორი ოლქის დატოვება არის აბსოლუტურად ლოგიკური. ვინც წარდგენილია - ელენე ხოშტარია, შალვა შავგულიძე, გიორგი ვაშაძე და შალვა ნათელაშვილი, არიან ხმების შემკრებები სხვებთან შედარებით ოლქისთვის, ასეთ ფიგურებს ვიპოვით ორ ოლქში „ლელო“ იქნება თუ ნებისმიერი სხვა “,- განაცხადა ბოკერიამ.

იმ შემთხვევაში, თუ საარჩევნო სისტემის ცვლილება პარლამენტმა ჩააგდო, ბოკერიას თქმთ, ოპოზიცია ამისთვის მზადაა.

„თუ უტიფარ ნაბიჯს გადადგამს ივანიშვილი და ისევ დაავალებს თავის მაჟორიტარებს, რომ ცვლილება ჩააგდონ, ჩვენ ბოიკოტს გავაგრძელებთ, მაგისთვისაც მზად ვართ. თუ აქვს ილუზია რომ ამით გადარჩება, ეს სისულელეა“,- განაცხადა ბოკერიამ.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 02.08.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან