რუსეთში ბოლო დღე-ღამის განმავლობაში კორონავირუსის 7889 შემთხვევა გამოვლინდა და დაინფიცირებულთა საერთო რაოდენობა 576 952-მდე გაიზარდა, - ამის შესახებ ინფორმაციას რუსული მედია კორონავირუსთან ბრძოლის მიზნით შექმნილი ოპერატიული შტაბის მონაცემებზე დაყრდნობით ავრცელებს.
მათივე ინფორმაციით, კორონავირუსით ქვეყანაში კიდევ 161 ადამიანი გარდაიცვალა და ვირუსით დაღუპულთა რიცხვმა 8002-ს მიაღწია.
ოფიციალური სტატისტიკით, რუსეთში „კოვიდ 19“-სგან დაინფიცირებული 334 592 პაციენტი გამოჯანმრთელდა.
ცნობისათვის, რუსეთი კოვიდინფიცირებულთა რაოდენობით მესამე ადგილზეა მსოფლიოში აშშ-სა და ბრაზილიის შემდეგ.
იხილეთ ვიდეო: რუსეთში, 24 საათში, კორონავირუსის 7889 შემთხვევა გამოვლინდა, 161 ადამიანი გარდაიცვალა