„რია ნოვოსტი“ - ზურაბ აბაშიძე იმედოვნებს, რომ კოვიდ 19-თან დაკავშირებით არსებული ეპიდემიოლოგიური სიტუაცია მალე რუსეთთან სახმელეთო საზღვრის გახსნას შესაძლებელს გახდის
საქართველოს პრემიერ-მინისტრის სპეციალური წარმომადგენელი რუსეთთან ურთიერთობის საკითხებში, ზურაბ აბაშიძე, იმედოვნებს, რომ კოვიდ 19-თან დაკავშირებით არსებული ეპიდემიოლოგიური სიტუაცია მალე რუსეთთან სახმელეთო საზღვრის გახსნას შესაძლებელს გახდის, - „რია ნოვოსტის“ ინფორმაციით, ამის შესახებ ზურაბ აბაშიძემ გამოცემასთან საუბარში განაცხადა.
„საზღვრის გახსნა ეპიდემიოლოგიურ სიტუაციაზეა დამოკიდებული. იმედი მაქვს, რუსეთთან საზღვრის გახსნა რაც შეიძლება მალე მოხდება,“- აღნიშნა ზურაბ აბაშიძემ.
ცნობისათვის, საქართველო–რუსეთის საზღვარი, კორონვირუსის გავრცელების პრევენციის მიზნით, 16 მარტს ჩაიკეტა.
