ძალიან მაინტერესებს, დღეს ვინც მისცემს ხმას იმას, რომ მოსახლეობას თავის საკუთარი მაჟორიტარი დეპუტატი არ ჰყავდეს, როგორ უნდა სთხოვოს მოსახლეობას იმ მაჟორიტარმა, რომ მხარი დამიჭირეთო?, - ამის შესახებ საპარლამენტო უმრავლესობის წევრმა, კახა ოქრიაშვილმა ჟურნალისტებს განუცხადა.
მისი თქმით, მოსახლეობა მხარს ვერ დაუჭერს იმ მაჟორიტარ კანდიდატებს, ვინც დღეს მიაჭერს „მწვანე“ ღილაკს და მოსახლეობას ამ პრეროგატივას გაუუქმებს.
“პრაქტიკულად, დღეს 120/30-ზე არის 20% მაჟორიტარული კომპონენტი, 120-პროპორციული. გადახრა არის პროპორციულისკენ. თითქმის პროპორციული არჩევნები ტარდება, რაც მყიფე ცენტრალურ ხელისუფლებას, მუდმივ, პერმანენტულ რიგგარეშე არჩევნებს მოგვიტანს. მერე გაკეთდება ხოლმე ამასთან დაკავშირებით ახალი შეფასებები, რაც დღეს მოხდება, ამას მოჰყვება ეს ყველაფერი.
ახლა მეორე, ძალიან მაინტერესებს, დღეს ვინც მისცემს ხმას იმას, რომ მოსახლეობას თავის საკუთარი მაჟორიტარი დეპუტატი არ ჰყავდეს, როგორ უნდა სთხოვოს მოსახლეობას იმ მაჟორიტარმა, რომ მხარი დამიჭირეთო? - მოსახლეობა მხარს ვერ დაუჭერს იმ მაჟორიტარ კანდიდატებს, ვინც დღეს მიაჭერს „მწვანე“ ღილაკს და გაუუქმებს მოსახლეობას ამ პრეროგატივას“, - განაცხადა ოქრიაშვილმა.
ცნობისთვის, პარლამენტი რიგგარეშე სხდომაზე, დღეს საკონსტიტუციო ცვლილებებს პირველი მოსმენით განიხილავს და კენჭს უყრის.
ცვლილებების პროექტის თანახმად, 2020 წლის საპარლამენტო არჩევნები შერეული საარჩევნო სისტემითა (120 პროპორციული, 30 მაჟორიტარული) და 1%-იანი ბარიერით ჩატარდება.