უკრაინის დედაქალაქ კიევში, აფეთქების შედეგად დაზიანებული კორპურის ნანგრევებიდან მაშველებმა სამი ადამიანის ცხედარი გამოიყვანეს, - ამის შესახებ ინფორმაციას უკრაინული მედია ავრცელებს.
მათივე ინფორმციით, შემთხვევის ადგილზე სამძებრო-სამაშველო სამუშაოები გრძელდება.
შეგახსენებთ, კიევში დარნიცკის რაიონში, გრიგორენკოს ქუჩა #41-ში, ცხრა სართულიან საცხოვრებელ კორპუსში აფეთქება გუშინ, ადგილობრივი დროით 10:00 საათზე მოხდა. უკრაინის საგანგებო სიტუაციების სახელმწიფო სამსახურში განაცხადეს, რომ სახლის ჩამონგრევის ერთ-ერთ ვერსიად ბუნებრივი გაზის დაგროვების შედეგად მომხდარი აფეთქება განიხილება.
გამოძიება უკრაინის სისხლის სამართლის კოდექსის 270-ე მუხლის მეორე ნაწილით მიმდინარეობს, რომელიც ხანძართან დაკავშირებული უსაფრთხოების დადგენილი ნორმების დარღვევას ითვალისწინებს.