ენტონი ფაუჩი - აშშ კორონავირუსის გამო სერიოზული პრობლემის წინაშეა

აშშ კორონავირუსის გამო სერიოზული პრობლემის წინაშეა, - ამის შესახებ აშშ-ის ალერგიისა და ინფექციური დაავადებების ეროვნული ინსტიტუტის დირექტორმა, ენტონი ფაუჩიმ განაცხადა.

მისივე თქმით, შემთხვევების ზრდის მიზეზი შესაძლოა ყველაფერი იყოს, მათ შორის ზოგიერთი რეგიონის მიერ შეზღუდვების დროზე ადრე მოხსნა და მოქალაქეების მიერ კორონავირუსთან დაკავშირებით დაწესებული მითითების არასათანადოდ შესრულება.

„ერთადერთი გზა ეპიდემიის დასასრულებლად, მისი ერთობლივად დასრულებაა. თქვენ გაქვთ ინდივიდუალური პასუხისმგებლობა, თუმცა კორონავირუსის მოწყვლად პირებზე გავრცელების შეჩერების საზოგადოებრივი პასუხისმგებლობაც გაქვთ, იმიტომ, რომ თუ გვსურს ეს ეპიდემია შევაჩეროთ, უნდა გავაცნობიეროთ, რომ ამ პროცესის ნაწილი ვართ“, - აღნიშნა ენტონი ფაუჩიმ.

ცნობისათვის, აშშ-ის რამდენიმე შტატში, მატ შორის აიდაჰოს, ალაბამის, არიზონის, ვაიომინგის, ჯორჯიის, კალიფორნიის, მისისიპის, მისურის, ნევადის, ოკლაჰომის, ტენესის, ტეხასის, ფლორიდისა და სამხრეთ კაროლინის შტატებში, ბოლო კვირის განმავლობაში ინფიცირებულთა რაოდენობის რეკორდული ზრდა დაფიქსირდა. ეპიდემიის გავრცელების დროიდან დღემდე, საერთო ჯამში, ქვეყანაში დაინფიცირდა სულ მცირე 2.48 მილიონი და დაიღუპა 125 000-მდე ადამიანი.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა