ავღანეთის დედაქალაქში მომხდარ აფეთქებას ადამიანის უფლებების დაცვის დამოუკიდებელი კომისიის ორი წევრის სიცოცხლე ემსხვერპლა, - ამის შესახებ ინფორმაციას „როიტერსი“ ავრცელებს. სააგენტოს ცნობით, „ავღანეთის ადამიანის უფლებების დაცვის დამოუკიდებელი კომისიის“ მიერ გავრცელებულ განცხადებაში აღნიშნულია, რომ მანქანა, რომელშიც 24 წლის ფატიმა ხალილი და 41 წლის აჰმედ ჯავედ ფოლადი ისხდნენ, მაშინ აფეთქდა, როდესაც კომისიის წევრები ოფისისკენ მიდიოდნენ.
„ეს შეუწყნარებელი საქციელია, ადამიანის უფლებების დამცველების მკვლელობა ომის დანაშაულია,“- ნათქვამია ორგანიზაციის განცხადებაში.
მომხდარზე პასუხისმგებლობა ჯერჯერობით არცერთ დაჯგუფებას არ აუღია.