ირანმა აშშ-ის პრეზიდენტ დონალდ ტრამპისა და კიდევ ათეულობით პირის დაპტიმრების ორდერი გასცა და მათ დაპატიმრებაში დახმარებისთვის ინტერპოლს მიმართა, - ამის შესახებ ინფორმაციას „ალ ჯაზირა“ ავრცელებს.
გამოცემის ცნობით, თეირანის პროკურორმა ალი ალყასიმერის განაცხადა, რომ ტრამპს და მასთან ერთად 30-ზე მეტ პირს, რომლებსაც ირანი 3 იანვარს გენერალ ყასემ სულეიმანზე განხორციელებულ თავდასხმაში ადანაშაულებს, „მკვლელობისა და ტერორიზმის ბრალდებებით გასამართლება ემუქრებათ“.
შეგახსენებთ, 3 იანვარს ერაყში, ბაღდადის აეროპორტის მახლობლად აშშ-ის სამხედროების მიერ განხორციელებულ ოპერაციას ირანის ისლამური რევოლუციური გვარდიის სპეცდანიშნულების რაზმ „ალ-ქუდსის“ ლიდერი ყასემ სულეიმანი ემსხვერპლა.