გილოცავთ საქართველოს საკონსტიტუციო ცვლილებებს! ეს გააძლიერებს დემოკრატიას და უზრუნველყოფს თავისუფალი, სამართლიანი, მშვიდობიანი არჩევნების ჩატარებას, - ამის შესახებ აშშ-ის პრეზიდენტის ყოფილმა სპეციალურმა წარმომადგენელმა უკრაინაში და ყოფილმა წარმომადგენელმა ნატო-ში, კურტ ვოლკერმა სოციალურ ქსელ "ტვიტერზე" დაწერა.

"გილოცავთ საქართველოს საკონსტიტუციო ცვლილებებს! ეს გააძლიერებს დემოკრატიას და უზრუნველყოფს თავისუფალი, სამართლიანი, მშვიდობიანი არჩევნების ჩატარებას. კარგი კომპრომისია საქართველოს მთავრობისა და გაერთიანებული ოპოზიციის, ევროკავშირისა და აშშ-ის მხარდაჭერით", -წერს ვოლკერი.

ცნობისთვის, პარლამენტმა საკონსტიტუციო ცლილებები მესამე მოსმენით დაამტკიცა, რომლის თანახმად 2020 წლის საპარლამენტო არჩევნები 120/30-ზე პროპორციით ჩატარდება. კონსტიტუციურ კანონპროექტს მხარი 117-მა დეპუტატმა დაუჭირა.