თურქეთმა ქვეყნის ისტორიაში ყველაზე დიდი ანტინარკოტიკული ოპერაცია ჩაატარა, რომლის დროსაც 67 ეჭვმიტანილი დააკავეს, - ამის შესახებ ინფორმაციას თურქული მედია ქვეყნის შინაგან საქმეთა მინისტრ სულეიმან სოილუზე დაყრდნობით ავრცელებს.
მათივე ინფორმაციით, ოპერაცია „ჭაობი“ 9 ქვეყანასთან თანამშრომლობის შედეგად განხორციელდა და მის ფარგლებში 70 მილიონი თურქული ლირა (დაახლოებით 10.21 მილიონი აშშ დოლარი) ამოიღეს.
„დაჯგუფების ერთ-ერთი ხელმძღვანელი წითელი ცირკულარით იძებნება და ბრაზილიასა და ნიდერლანდებში 26 წლით თავისუფლების აღკვეთა აქვს მისჯილი,“- განაცხადა სულეიმან სოილუმ.