ავსტრალიაში, ქალაქ მელბურნის 10 გარეუბანში კარანტინი ხელახლა დაწესდა

ავსტრალიაში, ვიქტორიას შტატის ქალაქ მელბურნის 10 გარეუბანში საკარანტინო ზომები ხელახლა დაწესდა, - ამის შესახებ ინფორმაციას CNN-ი ავრცელებს.

ტელეკომპანიის ცნობით, საკარანტინო რეჟიმი ძალაში 1 ივლისიდან შევა და 29 ივლისამდე გაგრძელდება.

ვიქტორიას შტატის პრემიერის, დანიელ ანდრიუს, განმარტებით, მოქალაქეებს, რომლებიც იმ 10 დასახლებაში ცხოვრობენ, სადაც კარანტინს აწესებენ, სახლიდან გასვლის უფლება მხოლოდ იმ შემთხვევაში ექნებათ, თუკი მაღაზიებში საკვებისა და სხვა აუცილებელი ნივთების საყიდლად, სასწავლებლად ან სამუშაოდ მიდიან და ამის გაკეთება სახლიდან გასვლის გარეშე შეუძლებელია.

აღნიშნულ უბნებში დაიხურა სილამაზის სალონები, სპორტული დარბაზები, ბიბლიოთეკები და საცურაო აუზები. კაფეებსა და რესტორნებს კი მხოლოდ ადგილზე მიტანისა და წაღების სერვისების განხორციელების საშუალება ექნებათ.

ცნობისათვის, ვიქტორიას შტატში ბოლო 14 დღეა ახალი შემთხვევების ორნიშნა მაჩვენებელი ფიქსირდება, ბოლო 24 საათში კი შტატში კოორნავირუსის 64 ახალი შემთხვევა დადასტურდა.

რაც შეეხება ავსტრალიას, ქვეყანაში, პანდემიის გავრცელების დღიდან, 7 836 შემთხვევაა დადასტურებული, დაღუპულთა რაოდენობა კი 104-ია.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)