კოლექტიური ზარდიაშვილებისგან „ნაციონალებზე“ საუბარი, ვინ ვისთანაა შეკრული, წარმოუდგენელი და სასაცილოა! - ასე უპასუხა დამოუკიდებელმა დეპუტატმა დავით ჭიჭინაძემ უმრავლესობის წევრ ირაკლი კობახიძის განცხადებას, რომელმაც თქვა, რომ „ საკონსტიტუციო ცვლილებებში ჭიჭინაძის არმონაწილეობაზე „ნაცებმა“ და „ევროპულმა საქართველომ“ იმუშავა.

ჭიჭინაძის თქმით, ის ყოველთვის იყო შერეული სისტემის მომხრე.

„ჯერ ერთი, პირადად მე, ყოველთვის შერეული სისტემის მომხრე ვიყავი და მეორე, „ოცნების“ ამ ჯგუფმა, კობახიძის მეთაურობით, თავისსავე პროპორციულს თავადვე უღალატა,“ - უპასუხა ჭიჭინაძემ.