იაშვილის ბავშვთა ცენტრალური საავადმყოფოს ბაზაზე სისხლის უანგარო დონაციის აქცია გაიმართება

მ.იაშვილის ბავშვთა ცენტრალური საავადმყოფოს ბაზაზე, "საქართველოს ჯანმრთელობის ფედერაციის" ინიციატივით სისხლის უანგარო დონაციის აქცია გაიმართება.

აქცია 3 ივლისს 13:00 საათზე დაიწყება.

"საქართველოს ჯანმრთელობის ფედერაციის" თანადამფუძნებლის მეგი საჯაიას განცხადებით, პროექტი „ექიმები გვიზიარებენ სიცოცხლეს“ აქციაში მონაწილეობას მიიღებენ, როგორც მ.იაშვილის კლინიკის, ასევე სხვა სამედიცინო დაწესებულების მედ-პერსონალი.

ორგანიზატორების ინფორმაციით, აქციის მიზანია, ექიმებმა ასევე, სისხლის უანგაროდ გაღებით იზრუნონ იმ პაციენტთა ჯანმრთელობაზე, რომელთაც ესაჭიროებათ სისხლის ამა თუ იმ კომპონენტის გადასხმა. ამავდროულად, პაციენტებმა სწორად აღიქვან მედიკოსების მხრიდან გაწეული შრომა და ის დიდი ენერგია, რომელსაც მედპერსონალი თითოეული პაციენტის გამოჯანმრთელებასა და სიცოცხლის შენარჩუნებას ახმარენ.

ამავდროულად "საქართველოს ჯანმრთელობის ფედერაციის" წევრი ექიმების მიზანს წარმოადგენს სახელმწიფოს მხარდაჭერა იქ, სადაც კორონავირუსის პანდემიის პერიოდში, ქვეყანას ყველაზე მეტად სჭირდება.

საჯაიას განცხადებით, პანდემიის გამო, სისხლის დეფიციტი შეიქმნა, რის გამოც ჯანდაცვის მინისტრმა ეკატერინე ტიკარაძემ და დაავადებათა კონტროლის ცენტრის გენერალური დირექტორის მოადგილემ პაატა იმნაძემ მოსახლეობას სისხლის ჩაბარებისაკენ მოუწოდა.

„პროექტის "ექიმები გვიზიარებენ სიცოცხლეს ავტორები არიან პაციენტთა და ექიმთა უფლებადამცველები, რომლებიც აცხადებენ, რომ აღნიშნული აქციის მიზანია პაციენტთა დახმარება, საზოგადოების ცნობიერების ამაღლება და ექიმებსა და პაციენტებს შორის ბოლო პერიოდში გაჩენილი ერთგვარი „უფსკრულის ამოვსება““, - ნათქვამია ინფორმაციაში.

ლევან ლორთქიფანიძე - მეგობრების გადამტერებით ქვეყნის უსაფრთხოების უზრუნველყოფა შეუძლებელია
ქართული პრესის მიმოხილვა 06.05.2024
პატრიარქის სააღდგომო ეპისტოლე
IPS-ის ორგანიზებით თბილისში ევროპული ბრენდის - URSA-ს ხმის და თბოიზოლაციის მასალების პრეზენტაცია გაიმართება
ვრცელდება თუ არა თქვენს ავტომობილზე Toyota 10/Lexus 10-ის გარანტია?
ADB-მ და Mastercard-მა ფინანსური ინკლუზიისა და ციფრული ინოვაციების გასაუმჯობესებლად ურთიერთგაგების მემორანდუმს მოაწერეს ხელი