ბიზნესის განვითარების პერსპექტივებსა და კრიზისიდან გამოსვლის შესაძლებლობებზე შეხვედრა გაიმართება

16 ივლისს ევროკავშირი-საქართველოს ბიზნეს საბჭოს (EUGBC) ორგანიზებით, გაიმართება დიალოგი ბიზნესთან - “ბიზნესის განვითარების პერსპექტივები და კრიზისიდან გამოსვლის შესაძლებლობები”. ამის შესახებ ინფორმაციას საქართველოში ევროკავშირის წარმომადგენლობა ავრცელებს.

მათი ინფორმაციით, შეხვედრაში მონაწილეობას მიიღებენ საქართველოს ეკონომიკისა და მდგრადი განვითარების მინისტრის მოადგილე გენადი არველაძე, საქართველოს ფინანსთა მინისტრის მოადგილე ზურაბ ძნელაშვილი, საქართველოს ჯანდაცვის მინისტრის მოადგილე თამილა ბარკალაია და სააგენტოს “აწარმოე საქართველოში” დირექტორი მიხეილ ხიდურელი, ასევე საბჭოს წევრი კომპანიების წარმომადგენლები და ხელმძღვანელები.

შეხვედრაზე განიხილავენ ბიზნესის მხარდაჭერისათვის საქართველოს მთავრობის განახლებული პროგრამებს, „კოვიდ 19“-ის გავრცელების გამო ბიზნესის ახალი გამოწვევებს, ზარალის მინიმიზაციისა და ეკონომიკის აღდგენისათვის საჭირო აქტივობებსა და დამატებით ღონისძიებებს, ჯანდაცვის სამინისტროს რეკომენდაციების შესრულების მონიტორინგს და ბიზნესის განვითარების ახალ შესაძლებლობებს.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან