ფარმაცევტთა ასოციაციის პრეზიდენტი - გარკვეულ მედიკამენტებზე შესაძლოა დეფიციტი შეიქმნას, ფასის მატება, სავარაუდოდ, 7-10% იქნება

საქართველოს ფარმაცევტთა ასოციაციის პრეზიდენტი ლევან გოგიბერიძე აცხადებს, რომ მედიკამენტების რეგისტრაციის ვადის გახანგრძლივება ფასების ზრდას გამოიწვევს და ამასთან, შესაძლოა რიგ მედიკამენტებზე დეფიციტიც შეიქმნას.

როგორც ლევან გოგიბერიძემ "ინტერპრესნიუსს" საკითხის კომენტორებისას განუცხადა, მართალია თავდაპირველად ინიცირებული კანონპროექტი გადაიხედა და 3-ჯერ აღარ გახანგრძლივდება რეგისტრაციის ვადა, თუმცა აღნიშნული ცვლილება წამლის ფასზე გარკვეულ ასახვას მაინც ჰპოვებს.

"გარკვეული კონსენსუსი მიღწეულია. მართალია, წამლის რეგისტრაციის ვადები გაიზარდა, მაგრამ არა ისე, როგორც თავიდან იყო განსაზღვრული.

რა თქმა უნდა, რეგისტრაციის პროცესის გახანგრძლივება, ბუნებრივია აისახება მედიკამენტების ფასებზე. რაც არ უნდა ვიძახოთ, რომ წამალი ბიზნესი არაა, ამას ვერ გავექცევით. სავარაუდოდ, ფასის მატება საშუალოდ 7-10% იქნება. ჩვენი გათვლებით, გარკვეული მედიკამენტების მიმართულებით შესაძლოა დეფიციტიც შექმნას,"-აცხადებს საქართველოს ფარმაცევტთა ასოციაციის პრეზიდენტი.

ცნობისათვის, წამლისა და ფარმაცევტული საქმიანობის შესახებ კანონში ცვლილებების პროექტის მიხედვით, აღიარებითი რეჟიმით მედიკამენტის რეგისტრაციისთვის ვადა 7- დან 15 დღემდე იზრდება, თავდაპირველად კი ვადის 30 დღემდე გაზრდა განიხილებოდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი