შაქარაშვილის საქმეზე დაკავებული მორაგბეების ადვოკატი - საქმის ახალ მასალებში არანაირი მტკიცებულებები არ არის, რაც დაამტკიცებს რაიმე შემხებლობას გარდაცვლილთან

გიორგი შაქარაშვილის გარდაცვალების საქმეზე დაკავებული მორაგბეების არჩილ გაგნიძისა და ვასილ მახარაძის ადვოკატის, ვასილ მამულაშვილის განცხადებით, საქმის ახალ მასალებში არანაირი შესაძლო მტკიცებულებები არ არის, რაც მისი დაცვის ქვეშ მყოფების შემხებლობას დაამტკიცებს გიორგი შაქარაშვილთან.

,,ჩვენ წერილობითი განცხადებით მივმართავთ საგამოძიებო ორგანოს, ვინაიდან, კონკრეტული პირები მოდიან საგამოძიებო ორგანოში, ჩვენებებს აძლევენ და ეს მასალებში ასახვას ვერ ჰპოვებს. გვაქვს ეჭვი, რომ ამ სისხლის სამართლის წარმოების ფარგლებში 109-ე მუხლთან მიმართებაში იყოს ცალკე წარმოებად გამოძიება დაწყებული. თუ ეს ასეა, იმ დრომდე, ვიდრე ბრალდებულების სტატუსი არ ექნებათ, არც ექნებათ ვალდებულება, რომ დაცვის მხარეს გადასცენ შესაძლო მტკიცებულებები. საქმის ახალ მასალებში არანაირი შესაძლო მტკიცებულებები არ არის, რაც დაამტკიცებს რაიმე შემხებლობას გარდაცვლილთან”, - განაცხადა ვასილ მამულაშვილმა.

ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი