ჩინეთის სინძიანის პროვინციაში კორონავირუსის 16 ახალი შემთხვევა დადასტურდა, - შესაბამის ინფორმაციას ჩინეთის ჯანდაცვის ეროვნული კომისია ავრცელებს. მათივე ინფორმაციით, ახალი შემთხვევები ქალაქ ურუმჩიში დაფიქსირებულ შემთხვევას უკავშირდება.

ცნობისათვის, ხელისუფლებამ ქალაქში საზოგადოებრივი ტრანსპორტისა და ტაქსების მოძრაობა შეამცირა, ასევე მოსახლეობას ქალაქიდან გასვლაზე შეზღუდვები დაუწესა.

ბოლო მონაცემებით, ჩინეთში კორონავირუსის 83 644 შემთხვევაა დადასტურებული, აქედან გამოჯანმრთელებულია 78 758 და დაღუპულია 4 634 ადამიანი.