ქურთისტანის საინფორმაციო სააგენტო Firat -ის მიერ გავრცელებული ინფორმაცია თურქეთის მიერ აზერბაიჯანის არმიის მხარდასაჭერად სირიის ოპოზიციის შეიარაღებული დაჯგუფებებიდან მებრძოლების გაგზავნის შესახებ, სინამდვილეს არ შეესაბამება. ამის შესახებ რუსეთის სააგენტო „ტასს“ თურქეთის ხელისუფლების ოფიციალურ წარმომადგენელზე დაყრდნობით იუწყება.
ამავე სააგენტოს ცნობით, მათთან საუბარში არც აზერბაიჯანული მხარე ადასტურებს მოცემულ ინფორმაციას და მას გამონაგონს და „ფეიკს“ უწოდებს.
მანამდე სააგენტო Firat -მა გაავრცელა ინფორმაცია, რომ „სირიის თავისუფლების არმიის“ წევრები თურქეთმა აზერბაიჯანში გადაისროლა.