დიდმა ბრიტანეთმა კორონავირუსის პოტენციური ვაქცინის 90 მილიონი დოზის შეძენასთან დაკავშირებით შეთანხმებას მიაღწია. მედიის ინფორმაციით, დიდი ბრიტანეთის მიერ ხელმოწერილი ხელშეკრულებების თანახმად, ქვეყანა კომპანია BioNTech/Pfizer-ის ექსპერიმენტული ვაქცინის 30 მილიონ დოზას და ფარმაცევტული კომპანია Valneva-ს ვაქცინის 60 მილიონ დოზას შეიძენს.
ცნობისათვის, მანამდე დიდმა ბრიტანეთმა ხელი მოაწერა შეთანხმებას კომპანია AstraZeneca-სთან, რომელმაც ოქსფორდის უნივერსიტეტთან პარტნიორობით დიდი ბრიტანეთისთვის პოტენციური ვაქცინის 100 მილიონი დოზა უნდა დაამზადოს.