ტურიზმის ეროვნულმა ადმინისტრაციამ ფოტოგრაფებთან სამუშაო შეხვედრა გამართა

ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ტურიზმის განვითარების მიზნით ახალ პროექტებს იწყებს, სადაც საქართველოში მოქმედი ფოტოგრაფები მიიღებენ მონაწილეობას.

ტურიზმის ეროვნული ადმინისტრაციის ინფორმაციით, ადმინისტრაციის ხელმძღვანელმა მარიამ ქვრივიშვილმა ფოტოგრაფებს ახალი პროექტების დეტალები გააცნო, რომელიც ფოტოგრაფებისთვის მრავალ აქტივობას მოიცავს, მათ შორის: საქართველოს ყველა რეგიონში ფოტო - ტურებს, საქართველოს ტურისტული ფოტო-ბანკის განახლებას და ფოტოკონკურსს.

„საქართველოს პრემიერ-მინისტრის დავალებით, დღეს შედგა ძალიან მნიშვნელოვანი შეხვედრა საქართველოში მოქმედ ფოტოგრაფებთან. დღეს არის სწორი დრო გავაახლოთ საქართველოს ტურისტული ფოტო-ბანკი და ამ მიზნით სხვადასხვა პროექტი გავაცანით ფოტოგრაფებს, სადაც ისინი აქტიურად მიიღებენ მონაწილეობას. ეს პროექტები დაგვეხმარება ჩვენი ქვეყნის ტურისტული პოტენციალის ამსახველი ფოტომასალის შეგროვებაში, შექმნასა თუ შესაბამისი კონკურსების ჩატარებაში. ჩვენთვის უმნიშვნელოვანესია, რომ პანდემიის პერიოდში დაზარალებული ჯგუფები, მათ შორის ფოტოგრაფები მაქსიმალურად ჩაერთონ ჩვენთვის ძალიან ღირებულ პროექტებში, რომელიც გულისხმობს ქვეყანაში ტურიზმის განვითარებას და დაზარალებული დარგებისა და პროფესიების საქმიანობის ხელშეწყობას. შეხვედრამ ჩაიარა ნაყოფიერად და პოზიტიურად, ფოტოგრაფების მხრიდან ძალიან დიდი ინტერესი იყო პროექტებში ჩართვასთან დაკავშირებით. ჩვენ შევთანხმდით რომ ერთობლივი ძალისხმევით განვახორციელებთ ამ პროექტებს, რაც ხელს შეუწყობს როგორც ტურიზმის განვითარებას, ასევე ფოტოგრაფების საქმიანობას“, - განაცხადა მარიამ ქვრივიშვილმა.

ტურიზმის ეროვნული ადმინისტრაციის ახალ პროექტებში ფოტოგრაფებთან ერთად აქტიურად ჩაერთვებიან გიდები და ტურისტული სატრანსპორტო კომპანიები, რაც შიდა ტურიზმის კამპანიის ნაწილიც გახდება. ახალი პროექტების განხორციელებით საქართველოს მასშტაბით, ერთიანი ძალისხმევით ქვეყნის ტურისტული პოტენციალის ამსახველი ფოტომასალების ახალი ბაზა მომზადდება, რომელსაც ტურიზმის ეროვნული ადმინისტრაცია შიდა და საერთაშორისო მარკეტინგულ კამპანიებში აქტიურად გამოიყენებს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა