უკრაინის ქალაქ ლუცკში მამაკაცი, რომელმაც ავტობუსით ადამიანები მძევლად აიყვანა, პოლიციის დრონის ჩამოგდებას ცდილობს. ამის შესახებ უკრაინული მედია იუწყება. მათი ინფორმაციით, ის დროდადრო დრონის მიმართულებით ისვრის.
უკრაინის შს მინისტრის მოადგილის ანტონ გერაშენკოს განცხადებით, ტერორისტმა ვერტმფრენის მიმართულებით ისროლა, რომელსაც უკრაინის უშიშროების სამსახური იყენებს.
მისი ინფორმაციით, დამნაშავემ რამდენიმეჯერ ისროლა დრონის მიმართულებით, შემდეგ კი ავტობუსიდან ასაფეთქებელი მოწყობილობა გადმოაგდო, რომელიც მაშინვე აფეთქდა.
გერაშენკოს თქმით, მომხდარის შედეგად, არავინ დაშავებულა.