შსს-სთან მიმდინარე აქციაზე 3 პირი დააკავეს. როგორც "ინტერპრესნიუსს" შინაგან საქმეთა სამინისტროში განუცხადეს, დაკავება ადმინისტრაციულ სამართალდარღვევათა კოდექსის 173-ე მუხლის შესაბამისად მოხდა, რაც სამართალდამცველების კანონიერი მოთხოვნისადმი დაუმორჩლებლობას გულიხსმობს.
დაკავებულთა შორის არის ზვიად კუპრავა.
ცნობისთვის, შს სამინისტროსთან სამოქალაქო აქტივისტებსა და სამართალდამცველებს შორის დაპირისპირება მოხდა. აქციის მონაწილეები ცდილობდნენ გზის გადაკეტვას, რასაც პოლიციასთან დაპირისპირება მოჰყვა. აქციის მონაწილეების თქმით, ისინი საავტომობილო გზაზე რამდენიმე წუთიანი პერფორმანსის დადგმას გეგმავდნენ.