სამხრეთ აფრიკაში, ბოლო 24 საათში, „კოვიდ 19“-ს კიდევ 572 ადამიანის სიცოცხლე ემსხვერპლა, რაც პანდემიის გავრცელების დროიდან, რეკორდულად მაღალი მაჩვენებელია ქვეყნისთვის, - ამის შესახებ ინფორმაციას BBC-ი ავრცელებს.

გამოცემის ცნობით, სამხრეთ აფრიკაში, საერთო ჯამში, კორონავირუსის 400 000-მდე შემთხვევაა დადასტურებული, აქედან დაღუპულია 6 000-მდე ადამიანი.

ცნობისათვის, გუშინ ჯანდაცვის მსოფლიო ორგანიზაციამ განაცხადა, რომ სამხრეთ აფრიკაში კორონავირუსით ინფიცირების შემთხვევების ზრდა გამაფრთხილებელი ნიშანი უნდა იყოს კონტინენტის დანარჩენი ნაწილისთვის, რომელმაც ჯერჯერობით მოახერხა, რომ კორონავირუსული ინფექციის გავრცელების ახალ ეპიცენტრად არ ქცეულიყო.