აშშ-ში, გასული დღე-ღამის განმავლობაში, კორონავირუსის 71 695 ახალი შემთხვევა დადასტურდა და ინფიცირებულთა საერთო რაოდენობა 3 970 906-მდე გაიზარდა, - შესაბამის მონაცემებს CNN-ი ჯონს ჰოპკინსის უნივერსიტეტზე დაყრდნობით ავრცელებს. ამავე მონაცემების თანახმად, აშშ-ში ბოლო 24 საათში, „კოვიდ 19“-ს კიდევ 1 195 ადამიანის სიცოცხლე ემსხვერპლა და დაღუპულთა რიცხვმა 143 190-ს მიაღწია.
აღსანიშნავია, რომ უკვე მეორე დღეა ქვეყანაში კორონავირუსის ფატალური შემთხვევების დღიური ზრდა 1000-ს აჭარბებს.
ცნობისათვის, როგორც კოვიდინფიცირებულების, ასევე ვირუსით დაღუპულთა რაოდენობით აშშ პირველ ადგილზე დგას მსოფლიოში.