თამარ ბაჩალიაშვილის ოჯახის ადვოკატის განცხადებით, გარდაცვლილის არა წერილები, არამედ ფერადი ფურცლები იპოვეს, სადაც ყოველდღიური ჩანაწერებია

23 წლის თამარ ბაჩალიაშვილის ოჯახის ადვოკატის მიხეილ რამიშვილის განცხადებით, მათ გარდაცვლილის არა წერილები, არამედ ფერადი ფურცლები იპოვეს, სადაც ყოველდღიური ჩანაწერებია და მას ანდერძის სახე არ ჰქონია. როგორც ადვოკატმა „პალიტრანიუსის“ გადაცემა „ნიუსრუმში“ განაცხადა, თამარ ბაჩალიაშვილს საფულეში პლასტიკური ბარათები აღმოჩნდა.

მიხეილ რამიშვილის თქმით, უკვე ამოღებულია გარდაცვლილის ტელეფონი, თუმცა ჯერ ექსპერტიზა არ ჩატარებულა.

„ჟურნალისტებმა დამისვეს კითხვა, თითქოს წერილი აღმოჩნდაო. როგორც გავიგე, ეს ინფორმაცია პოლიციის მხრიდან გავრცელებულა. როდესაც კითხვები დამისვეს, არანაირი წერილი არ ყოფილა. ეს არის პატარა, ოთხკუთხედი ფურცლები. ძალიან ბევრი ფურცელი ჰქონდა თავის საფულეში, სადაც ყოველდღიური ჩანაწერები წერია. ჩვეულებრივი ამბავია ის, რომ გამოიყენეთ ჩემი ანაბრიდან თანხაო. ვისია, ვისი მისამართით წერია, ეს მითითებული არ არის. არც ნომერია მითითებული, არც სახელი და გვარი, ვინ უნდა გამოიყენოს. ყველა პლასტიკური ბარათი საფულეში ჰქონდა. შესაბამისად, როდინდელია და ვისი, ჩატარდება შესაბამისი ექსპერტიზა და დადგინდება. ამას არანაირი ანდერძის სახე არ ჰქონია. ტელეფონი ამოღებულია, მაგრამ ჯერ ექსპერტიზა არ ჩატარებულა“,- განაცხადა ადვოკატმა.

კითხვაზე, პრემიერ-მინისტრის დღევანდელი განცხადების შემდეგ, რომლითაც შსს-ს მოქალაქეების პროაქტიული ინფორმირებულობა დაავალა, ფიქრობს თუ არა ის, რომ საქმეზე გამოძიება დროულად და ობიექტურად წარიმართება, ადვოკატმა იმედი გამოთქვა, რომ გამოძიება ყველა კითხვას პასუხს გასცემს.

„თუ პრემიერმა მოითხოვა, ვალდებულება იქონიონ და გამოძიებამ ყველა კითხვას პასუხი გასცეს. ვიმედოვნებ, რომ ყველა კითხვას პასუხი გაეცემა“, - აცხადებს ადვოკატი.

ცნობისთვის, 23 წლის თამარ ბაჩალიაშვილი რამდენიმე დღის განმავლობაში გაუჩინარებული იყო. ის 22 ივლისს, თეთრიწყაროს მუნიციპალიტეტში, ტყესთან, საკუთარ ავტომობილში გარდაცვლილი იპოვეს.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს
„სს ფუდმარტი“ რიგით მე-500 მაღაზიას ხსნის
სტერეო +  განცხადებას ავრცელებს